Хасавюртда Ана тилни халкъара гюню

– Хасавюрт шагьарда 17068 яш бар, шолардан 1700 яш ана тиллени дарсларына бармай, – деп башлады жыйынны ача туруп, депутатланы шагьар жыйыныны председателини орнунбасары Мугьажир Салагьбеков. – Шо бизин талчыкъдыра. Бир-бир ата-аналар шогъар хапар да этмей. Шо ярайгъан зат тюгюл. Бугюнгю шу жыйыныбыз да ана тиллени абурун артдырмакъ деген масъаланы г¸з алгъа тутуп оьтгериле. Гьар заманда йимик, Дагъыстанны халкъ шаири «Ана тил–алтын хазна» деген китапны автору Агьмат Жачаев къурч с¸йледи ва тиллеге багъышлангъан бир нече шиъру охуду. Къайсы яш да, юртдан чыкъгъандокъ, орус тилде с¸йлеме башлай, шону учун да ана тилни уьйретмек – ата-анагъа биринчи борч. Яшлары шагьарда яшайгъан яхсайлы Хожаагьмат Акавов оьзлени авлетлерини авлетлери г¸рме гелгенде орусча с¸йлеме къоймайгъанны ва къумукъ тил оьзюне к¸п ерлерде ¸л алма имканлыкъ бергенни айтды. ДГУ-ну доценти, алим Агъарагьим Солтанмуратов Юлиус Неметни с¸злерин эсге салды. – Гьалиден 100 йыл алда шо алим 50 йылдан къумукъ тил чи нечик де, къумукъ миллет де таяжакъ деген, – деди ол. – Г¸ресиз, арадан 100 йыл гетген, къумукъ миллет бар, тек ону тилине янашыву осаллашгъан. Ойлашып къарагъыз, къумукълар савлай дюньяда 200 миллион адам булан енгил гьаллашып бола, айтагъанын англай. Шолай уллу гючю бар тилни бир де, унутма чы нечик де, осаллашдырма ярамай. Абусупиянны китабында булай бир гьадис къайдада язылгъан калиманы да эсгерме сюемен: «Ким ана тилине абур этсе, шогъар Аллагьны рагьматы болар». Тил – миллетни оьрлюгю, шону т¸бенлешме къоймай сакъламакъ, бизин аслу борчубуз. Байрамда «Тангчолпан» журналны редактору Супиянат Мамаева, Буйнакск район администрацияны башчысыны орнунбасары Гьажимурат Ражбудинов, «Дагъыстанлы къатын» деген журналны редактору Ру­къуят Устарханова, к¸п йылланы узагъында Хасавюрт педколлежде къумукъ дарсланы юрютюп турагъан шаир Патимат Абукова, Яхсайдагъы школа-интернатны директору, Россияны ат къазангъан муаллими Майя Салаватова, Хасавюрт межитни имамы Магьаммат гьажи Гебеков ва башгъалары ана тилге г¸ре оьзлени оюн айтдылар. Хасавюрт шагьар администрациясыны башчысы Арслан Арсланов ва Мугьажир Салагьбеков ана тиллени муаллимлерине ва къумукъ газетни журналистлерине шагьар администрацияны атындан гьюрметлев грамоталар ва акъча савгъатлар тапшурду. Шоланы арасында Макъсут Черивхановну, Маржанат Абукованы, Магьаррам Алимгьажиевни, Супуяхан Бийболатованы, Г¸зел Ильясованы ва Патимат Абукованы атлары уллу гьюрмет булан айтылды. Белгили шаир, къумукъ китап издательствону редактору Бадрутдин Магьамматовну къутлав кагъызын да чакъырылып гелгенлер харс урувлар булан къаршылады. Байрамны юрюшюнде «Эхо гор» деген бийив ансамбль, Дагъыстанны ат къазангъан артисткасы Зайнап Абсаматова, Дагъыстанны ат къазангъан артистлери Латип Шайыпов, Адил Уцумуев, йыравлар Ниъматулла Далгьатов, Зайнап Къайырбекова, «Адат» деген группа, Дадай Къурбанакъаев, Айна Ибрагьимова, Къоркъмаскъаланы агъачкъомуз согъагъан яш ансамбли ортакъчылыкъ этдилер.


Гебек КЪОНАКЪБИЕВ

© yoldash.etnosmi.ru




    13 Apr 2013 |   Баянлыкъ: 0 | Къаравны санаву: {view}


 
 


Content Management Powered by CuteNews