Атышма негер тарыкъ?

Кавказда яшайгъан халкълар савутну нечеде кёп сюе ва ону тийишли тюгюл ерлерде къоллайлар.

Бизин Дагъыстанда оьтгерилеген тойларда атышывлар гюн сайын кёп болагъан болуп бара.

Айтагъаным, тойлагъа барагъан жагьиллер белине тапанча салмайгъанлары аз бар. О савутну алма азине 20-30 минг манат герек. Ихтиярны алмада минг манатлар чыгъа. Тапанчаланы амалсыз яшайгъанлар сатып алма гючю ёкъ. Алагъанлар кёбюсю мадарлылардан.

Гелин гелеген вакътиде гючлю атышывлар башлана бирде башгъа тюгюл дав майдандан.

Шо негер тарыкъ? Не учун этиле? Адатмы? Атышгъан булан болагъан зат бармы? Шону англайгъан адам ёкъ. Атышмайлы гелинден сююнюме дагъы къайдалар ёкъму экен?

Той адат деп этилеген гиччи жинаятчылыкъ ишлеге кеплер гёзюн ябып къоя. Атышагъанланы кёплери эсиргенлер.
Сонгда, тойлагъа тапанчалар булан гелеген яш адамланы савут юрютме ихтияры бармы экен? Токъсан процентини ёгъу ачыкъ зат. Юртларда чатыр тюпде, шагьарларда банкет залларда атышагъанлар кёп. Оланы арасында полицияны къуллукъчулары.
Атышып патронланы къоллагъан сонг, олагъа «къайда патронлар?» деп сорайгъанлар ич ишлер бёлюкде кююне къарагъанда ёкъгъа ошай.

Бираз алда Москваны ортасында дагъыстанлылар той кортежни токътатып атышгъанын савлай дюнья билди. Оланы тутгъан ва судгъа берген. Нечеде арив этген. Жамият низамны бузагъанланы токътатма герек. Дагъыстанлы биревлер чи оланы якълама да къарады.

Магьачкъаланы ортасында Москвадан гелипжагьиллер шолай атышгъан буса гёрер эдигиз олагъа этерни. Полициядан алда башы къызгъан яш дагъыстанлылар олар булан ябушмада чабажакъ эди.

Энни айтма сюегеним тойлар шатлы оьтгерилсин. Тойларда тапанчаны тавушу болмасын.


Измулла ГЬАЖИЕВ




    19 Oct 2012 |   Баянлыкъ: 0 | Къаравны санаву: {view}


 
 


Content Management Powered by CuteNews