Яхшы оьрлюклеге етишген

Руслан Коркмасов

Руслан Къоркъмасовгъа 22 йыл бола. Ону ата юрту Эндирей. Бугюн ол Сургут шагьарда яшай ва ондагъы «Ермак» деген хас олимпия спорт школада бокс булан машгъул болагъаны алтынчы йыл. Шо заманны ичинде эндирейли улан спортда яхшы оьрлюклеге етишме болгъан.

Гетген йыл Руслан Къоркъмасов Сургут шагьарда тогъузунчу керен оьтгерилген «Кубок мира среди нефтяннных государств» деген ярышларда 64 кило авурлукъда алтын медалгъа ес болгъан.

Артдагъы дёрт йылны ичинде ол Ханты-Мансийск милли округну чемпионатларында биринчи ерлени къазангъан. Урал федерал округну чемпиону да дюр.

Яшланы арасында оьтгерилген дюньяны чемпионатында буса эндирейли уьчюнчю савгъатны алгъан. Россияны чемпионатларында биринчи ерлени эки керен утгъан. Ингдеси Русланны Россияны аслу жыйым командасыны резервине къошгъан.

Руслан Къоркъмасов Сургут пачалыкъ университетни студенти де дюр ва оьзюню спорт школасында боксдан тренировкалагъада юрюй.


Измулла ГЬАЖИЕВ





Танышгъа билдирмек


0


    09 Aug 2012 |   Баянлыкъ: 0 | Къаравны санаву: {view} | Печать этив


  (remember)
  (тарыкъ буса)

Content Management Powered by CuteNews